La Simu Subrina Hetan VS, Nico Purada Paul

DILI-Arguidu Vitorino dos Santos halo agresaun fisika ba lezadu Paul Ximenes, tanba la simu ho nia subrina Zelia neebe hetan violasaun seksual (VS) husi nia aman rasik.

Liu husi audensia julgamentu tribunal lee sai akuzasaun husi Ministeriu Publiku (MP) katak, iha loron 12 de Novembru 2015 haleu tuku 2:00 loraik iha Ermera, arguidu Vitorino dos Santos no Ana de Jesus husi Dili ba lezadu nia uma iha Ermera. Lezadu kous hela nia oan kiik derpenti arguidu Vitorino tuku dala tolu iha lezadu nia mata fukun dala tolu hodi halo lezadu nia oan monu ba rai.

Lezadu salva an hodi tuku malu ho arguidu Vitorino. No arguida Ana hamrik iha lezadu nia uma oin hodi halo problema. Ho arguidu sira nia hahalok nee, Ministeriu Publiku akuza hanesan autor material ba krime ofensas integridade fisika simples neebe previstu iha artigu 145 kodigu penal TL.

Hatan ba akuzasaun nee arguida Ana de Jesus hatete, akuzasaun nee balun los no balun lalos. Los duni iha loron nee sira ba duni iha lezadu nia uma. Ho intensaun atu husu tuir informasaun husi familia sira dehan nia subrina neebe hanesan lezadu nia oan feto hetan VS husi nia aman rasik.

Ami ba lezadu nia uma ho intensaun atu husu tuir informasaun dehan nia halo VS  ba subrina Zelia duni ka lae. Neebe too iha uma, aln mane Vitorino mak tama ba uma hodi husu ba lezadu, depois lezadu dehan lalos. Neemak Vitorino basa no tebe nia, no sira nain rua konsege baku malu,” dehan nia iha TDD, Kinta (23/06/2016).

Nia hatutan, lezadu nia uma nee iha fali rai lolon. Neemak Vitorino mak sae ba hasoru lezadu no arguida Ana mak hasoru Zelia hodi husu tuir. Nunee Zelia hatudu nia ulun kanek ba arguida hodi dehan nee lezadu mak baku, no los duni lezadu halo VS ba nia dala rua. Depois baku malu sira fahe malu, arguidu sira lori Zelia mai Dili hodi hasai bison iha Pradet. Rezultadu husi bison nee los duni Zelia hetan VS no prosesu nee agora tama ona iha tribunal. Informasaun kompletu iha STL Jornal no STL Web, edisaun Sesta (24/6/2016). Domingas Gomes

LEAVE A REPLY

Please enter your comment!
Please enter your name here