DILI –Xefe Estadu Falintil Forsa Defeza Timor Leste (F-FDTL) Maijor Jendral, Lere Anan Timur, hatete Timor Leste laiha krime organizadu, maibe problema ne’ebe mosu hodi hamate ema balu tanba lanu, osan no hadau malu feto.
Maijor Jendral, Lere Anan Timur, kasu lia hirak ne’e iha Palacio Prezidente hafoin informa situasaun rai laran ba iha, Prezidente Republika (PR) Taur Matan Ruak, Kuarta (09/10).
Koalia konaba krime organijadu ne’e hau laiha evidensia ida, Timor ne’e laiha krime organijadu sira ne’ebe sona malu tun sae ne’e sira ida lanu ten ne’e no lanu tun sae laos krime organijadu, krime organijadu ne’e oin seluk tanba kuandu ita rona krime organijadu ne’e ita traumatija situasaun tanba ne’e dala ida tan hau dehan lalika tauk krime organijadu laiha, hatete Lere.
Hatan ba deklarasaun Xefe Estadu F-FDTL, membru Komisaun B ne’ebe trata asuntu konaba siguransa no defeza, deputadu, Cesar Valente de Jesus, hatete ne’e lalos tanba se ema lanu mak oho ema ne’e lanu ten sira mohu ona. Informasaun kompletu iha STL Jornal no STL Web, edisaun Sesta (11/10). Thomas Sanches