Laiha Provas TDD Absolve Jose Husi Krime DS

DILI-Tribunal Distrital Dili absolve agruidu Joao Gomes husi krime danu simplest (DS), tanba faktus neebe mak produs iha julgamentu laiha provas.

Liu husi leitura sentensa tribunal deklara katak, tribunal absolve arguidu Joao Gomes husi krime danu simplest. Tanba faktus neebe produs iha julgamentu laran laiha provas. Deklarasaun husi lezada Maria Imaculada katak, iha loron 20 de Fevereiru 2016 tuku 1:30 kalan hader  hela aifunan moruk nia kaben nian. Derpenti rona arguidu ho nia maluk sira lori fatuk tuda mai iha nia uma hodi halo rahun bikan, kopu ho kaleng. No rona arguidu hakilar dehan agora imi la halo, maibe lezada rasik la hare ho matan katak arguidu mak tuda ka lae. So rona deit lian, lezada dehan nee arguidu.

Nunee mos ho sasin Antonio do Carmo nudar official polisia neebe momentu nee halo kapturasaun ba arguidu deklara katak, altura nee simu telefone husi delta base, sira mai kedas iha fatin akontesimentu. Nunee sira hare ema halai tama ba arguidu nia uma, sira mos tuir hodi dere odamatan tama ba laran hare arguidu ho kondisaun toba hela. Bainhira too iha fatin akontesimentu sira la hare arguidu. Ho ida nee hare husi distansia sira nee, tribunal absolve arguidu husi krime ida nee.

Antes nee liu husi alegasaun final ministeriu publiku husu ba tribunal atu aplika pena prizaun tinan tolu no suspende ba tinan tolu. Entertantu parte defesa husu ba tribunal atu absolve arguidu.

Tuir akuzasaun husi ministeriu publiku katak iha loron 20 de Fevereiru 2016 tuku 1:30 kalan iha Bairo Pite, lezada hader hela nia kaben nia aifunan moruk. Arguidu ho nia maluk sira lori fatuk hodi tuda rahun bikan, kopu ho kaleng. Ho hahalok ida nee ministeriu publiku akuza arguidu ho krime danu simplest. Informasaun kompletu iha STL Jornal no STL Web, edisaun Kuarta (2/3/2016). Domingas Gomes

LEAVE A REPLY

Please enter your comment!
Please enter your name here