Lakluta iha Potensia Turismu

DILI – Postu Administrativa Lakluta Munisipiu Viqueque potensia tebes ba Turismu, tanba Bee manas nee bele kura moras oi-oin bain hira haris iha neeba ho nia natureza neebe furak.

Lakluta fatin estratejia tebes, iha bee maos fatin tolu maka hanesan, bee manas boot iha suku Uma tolu, bee manas kiik iha suku Ahic, aldeia Caiba no bee manas boruc iha aldeia Bruc suku Dilor.

Aleinde fatin furak ida nee, iha mos lagua ida naran Wetasi iha aldeia Hali-mean suku Ahic, ho nia panorama iha foho aas, bee nee bele konsumi ba Lakluta laran tomak hanesan bele utuliza ba hemu, uza ba animal no sira seluk.

Fatin ida nee orijinal tebes no ate agora seidauk edentifika lagua nee, iha lafaek ka lae, tanba sira seidauk edentifika, bee manas nee, inklui Wemorin nian, maibe bee manas Lakluta too oras nee Ministeriu Turismu no Arte kultura seidauk ba visita fatin nee.

Administrador Postu Administrador Lakluta, Jose Andrade dos Santos aprezenta fatin potensial sira nee ba STL iha MSS Kinta (23/2/2017) katak atu ba vizita bee manas Bruc, liu husi parte Lakluta kuaze 3 km, iha neeba kompletu kedan, bee manas boot. Kuandu hakarak Vizita Bee manas Bruc, liu husi Vila antigun Lakluta ba Dilor kuaze 17 km.

iha loron (26/1/2017) liu ba, Ministru Estadu Kordenador Asuntu Ekonomia Ministru Agrikultura no Peskas (MEKAE-MAP) Estanislau da Silva, konsege ba vizita bee manas iha Lakluta.

Hau fo ona profile Postu Administrativa Lakluta ba Ministru liu husi ninia protokolo Ministru senhor Jorge,” dehan nia.

Jose, informa katak konsege koalia ona ho Ministru maibe sei ba rai liur hodi tuir enkontru CPLP iha Brazil, neebe MEKAE-MAP promete ona, bain hira fila husi Brazil sei ba visita bee manas Lakluta, hodi vizita mos fatin istoriku segundu kongresu Comite Central Fretilin (CCF) iha Wehali Lakluta iha tinan 1997, nee fatin istoriku, presiza governu tau matan, tanba fatin nee mak lidiransa Falintil sira foti disizaun ba libersaun nasional.

Tuir Administrador Postu Administrativa Tutuala, Munisipiu Lospalos, Carlito Pereira katak atu dezenvolve fatin turismu sira nee, liu-liu iha Tutuala Munisipiu Lautem Lospalos, sei liga ba governu central, tanba kompetensia delega ba Administrador Postu limitadu teb-tebes, governu central entrega deit kompetensia salariu maibe koalia konaba dezemvolvimentu turismu sei liga ba nivel nasional.

Responde ba preokupasaun hirak nee MEKAE-MAP Estanislau da Silva hateten katak, nia sei ba visita bee manas Lakluta hodi hare saida mak governu bele prepra hodi ba halao no saida mak governu seidauk bele prepara atu halao. Augusto da Costa

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...