Lakumpri Disiplina, Estudante Hetan Sansaun

DILI – Tinan nee Eskola Sekundaria Jeral 5 de Maio Becora iha regras rigorozu, tanba nee husu ba estudante ida-idak tenke disiplina ba oras tama eskola, bainhira la kumpri eskola sei fo sansaun.

Diretor Eskola Sekundaria 5 de Maio Becora, Manuel Verdial hatete, eskola halo ona regras, haruka estudante sira lori karta ba inan-aman, hodi halo samada ba oan sira, maibe labarik sira les fali karta nee.

Ho espriensia nee, tinan ida nee, eskola halo fali regras ida neebe mak rigorozu katak, falta dala tolu iha semana ida, eskola sei latolera no bolu inan aman mai iha eskola atu koalia.

Ami hakarak konsiensia no iha vontade neebe mak diak, hau iha planu tiha ona, bainhira tama iha sala prosesu aprendizajen professor sira tenke hatene, tanba nee, ami tenke tau disiplina ba oras tama eskola, tanba tuku 8 dader estudante sira tenke tama hotu ona iha sala laran, depois portaun boot iha oin tenke taka, se mak la tama iha laran, ami konsidera sira nee falta ona, ami mos foti inan aman sira nia no telephone para sira nian inan aman rasik mak bele haree, atu nunee labele iha intervensaun ruma karik aban bain rua iha ezame,” dehan Manuel ba jornalista iha nia knar fatin Becora  Dili, Tersa (31/01/2017).

Iha sorin seluk, adjuntu Direitor eskola ensinu baziku central (EBC), Dr Sergio Viera de Mello, Afonso Soares hatete, estudante sira neebe mak dader tama eskola tarde no la tuir regulamentu eskola fo sansaun ba sira.  Sansaun maka hanesan haruka sira raut rai henek, depois feto sira haruka lori aisar hamos fali sala laran.

Nunee mos Olandino Maia, hanesan estudante dehan, professores fo sansaun ba sira tanba sira rasik mak latama tuir oras neebe durante nee implementa iha sira nia eskola, tanba orientasaun eskola, estudante sira hotu tenke tama sedu eskola. Informasaun kompletu iha STL Jornal no STL Web, edisaun Kuarta (1/2/2017). Jacinta Sequeira/Guilhermina Franco

LEAVE A REPLY

Please enter your comment!
Please enter your name here

NEWS UPDATE

Analfabetu Oan Sai Doutoramentu

DILI, STLNEWS.co – Maluk letores sira, serimonia Solene Graduasaun Dili Institute of Technology (DIT) ba dala XIV periodu tinan 2021, konvida ita atu konese...

Dr. Peregrinus D. Siga Taa, M. Eng: Kualidade Servisu Infrastrutura Publiku Fraku

DILI, STLNEWS.co – Dekanu Fakuldade Enjeñaria no Siensia Dili Institute of Technology (DIT), Dr. Peregrinus D. Siga Taa, M.Eng, hatete, kualidade servisu infrastrutura publiku sei...

DIT Gradua Finalista 543 Inklui MBA Nain 6

DILI, STLNEWS.co – Dili Institute of Tecnhology (DIT) Segunda nee (29/11/2021) halao serimonia graduasaun ba dala XIV periodu tinan 2021, ho graduadus hamutuk ema...