Laselu Salariu, Traballadores Ameasa Sobu Bronjong

DILI-Trabailhadores ameasa atu sobu rahun bronjong neebe monta ona iha Mota Aiasa, area Suku Daisua, Postu Administrativa Same. Sira ameasa tamba konsorsin Manufahi laselu sira nia salariu.

Informasaun nee hatoo husi Xefi Suku Daisua, Amorin da Costa ba STL bainhira partisia lansamento Dadus Estatika Nasional Tinan 2015 iha CCD, Kinta (2/3/2017).

Trabailhador sira merese fo ameasa nee tamba tinan ida ona, konsorsin Manufahi laselu sira nia osan.

Nia dehan, momentu Alexandrino sei asumi Xefi Suku Daisua, traballadores halo karta protesta ba Parlamentu Nasional, MOP-TK no SEPFOPE. Ho karta protesta nee, sira halo ona akordu ida katak, foti osan 25% hodi selu traballadores maibe konsorsin foti tiha osan 25%, too agora la selu traballador sira.

Iha dia 23 Fevereiru 2017, traballadores sira ba sobu tiha bronjong maibe Xefi Suku Daisua Amorin da Costa konsege ba hapara tiha. Haruka sira buka dalan seluk. Depois, traballador sira halo karta, dirizi ba Prezidente Taur Matan Ruak, PM Rui Maria de Araujo, MPIE Xanana Gusmao no SEPFOPE. Katak, kuandu konsorsin laselu sira nia osan, maka too dia 30 de Marsu 2017 sira ba sobu rahun bronjong iha Mota Aiasa.

Amorin salenta, dia 30 Marsu 2017 traballadores hamtuk 62 sira ba sobo bronjong sira hodi faan fali fatuk ba kompania seluk rede sira nee sira tau hela kompania bele ba foti, tanba kompania sira nee lohi traballadores sira dala barak ona. Sira ba deve ema nia sasan iha kios too agora la selu funan aumenta ba nafatin diak liu sira ba.

ita ba sobu tiha bronjong nee para halo Estadu mai tiru mate deit ita”, nia salenta.

Amorin hateten, nia haruka traballador sira buka alternative dala seluk para resolve traballadores sira.

Hatan preokupasaun nee membru Bankada CNRT Cesar Valente de Jesus hateten traballadores sira kompri ona sira nia diver servisu no  direitu. Nee lei garantia. Maibe diak liu traballadores sira labele sobu. Se sira sobu, nee halo politika hasoru estadu. Diak liu sira halibur malu ba hasoru SEPFOPE.

Membru Komisaun E-PN, Manuel Castro Pereira hateten, iha tinan kotuk, sira nia komisaun bolu ona Prezidente Konsorsin Manufahi, Adriano Corte-Real no Reak Leman. I sira nain rua promete fali katak, ba Same mak atu selu traballadores sira.

Tuir informasaun, katak Manuel, Konsorsin Manufahi selu tiha ona traballadores sira, maibe dehan katak sira seidauk selu traballadores sira nee, diak liu traballadores sira nee labele ba sobu projetu nee bronjong iha mota Aiasa, maibe sira apresenta ba iha SEPFOPE oinsas bele resolve sira nia problema, se Konsorsin lakohi selu traballadores sir abele lori Konsorsin sira nee ba tribunal liu-liu sira fo hantenee ba Polisia hodi halo envestigasaun nunee hatoo ba proporador halo akusazaun lori sira ba prosesu iha tribunal. Tanbasa? Mak Konsorsin sira nee lakohi selu traballadores sira.

iha Fevereriu 2017, STL konfirma ba Prezidente Konsorsin Manufahi, Adriano Corte-Real via telefone hateten, problema nee sira resolve tiha ona, maibe traballadores sira dehan, seidauk selu. Augusto da Costa

 

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Barik Air

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorario doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...