DILI–Relasiona ho moras HIV/SIDA ne’ebe nia numeru tinan-tinan kontinua sae ba bebeik iha nasaun nurak ida ne’e, tuir primeira vise prezidente ONG Conselho Nasional Joventude Timor Leste (CNJTL), Maria Dadi Magno, husu ba institusaun no povu tomak atu servisu hamutuk hodi halo prevensaun, liu hosi legalize fatin ba prostitusaun, maibe persija halo uluk sosializasaun.
Maria Dadi hateten moras HIV/Sida dae liu husi dalan oi-oin, laos husi deit relasaun seksual, maibe liu husi dalan barak, tamba ne’e inisiativa diak atu minimize moras ne’e maka legalize fatin prostitusaun hodi halao uluk sosializasaun.
Moras HIV/SIDA ne’e daet liuhosi dalan oin-oin agora ita hare prostitusaun mos buras, hau laos apoiu sira no laos kontra sira amibe hau respeita sira nia servisu ne’e no balu liu hosi daun no seluk tan, no inisiativa diak maka lokaliza fatin ida ba ita nia maluk sira ne’ebe halo servisu ida ne’e ne’e ita hotu tenke hare hamutuk, laos agora maibe tinan 10 oin mai ne’e birmal no persija halo sosializasaun ho komunidade no igreja atu tau hamutuk hanoin, bele ga lae hari fatin sira ne’e, dehan Dadi, ba STL iha nia servisu fatin Farol Kuarta (12/02).
Nia hatutan moras ne’e mosu tanba liu hosi Free Sex (sex livre), tanba ne’e nia husu ba inan ho aman sira atu kontrola ida-ida nia oan liu-liu estudante sira, atu nune’e labele hetan moras tanba Free Sex mosu hosi teknologia ne’ebe maka agora iha mudansa bo’ot. Informasaun kompletu iha STL jornal no STL Web, edisaun Kinta (13/2/2014). Thomas Sanches