DILI- Korrupsaun oras ne’e buras iha Institusaun Estadu Timor Leste, tamba Komisaun Anti Korrupsaun (KAK) Implementa lei Anti Korupsaun seidauk masimu, tan ne’e sidadaun balun preokupa kbit KAK.
Tuir Pe. Mouzinho Perreira Lopes katak impresaun sosiadade nian korrupsaun lao makas iha institusaun governu, tamba lei Anti Korupsaun la forte, laos Lei Anti Korupsaun deit maibe lei hotu-hotu tamba iha implementasaun mak laforte.
Ita tau kestaun mak ne’e KAK mosu ninia kbit iha nebe, ita hare hanesan KAK seidauk iha kbit, ema latauk tan ne’e ita hare korrupsaun buras makas iha Institusaun governu, dehan Pe. Mouzinho, ba Jornalista hafoin Partisipa Meja Redonda nebe realija husi KAK hodi Selebra Aniversariu KAK ba Dala Hat iha Salaun Timor Plaza.
Nune mos Reprezentante Universidade Nasional Timor Lorosae Benjamin Cortereal hatete esforsu tomak nebe durante tinan Hat KAK halo, nebe hetan orentasaun husi estadu presiza kompetente hotu-hotu fo kontribusaun. Informsaun kompletu iha STL Jornal no STL Web, edisaun Sabado (22/2/2014). Timotio Gusmão