DILI–Komandante Geral Falintil Forsa Defeza Timor Leste (F-FDTL) Maijor General, Lere Anan Timur, husu ba prijoneiru nain 5 ne’ebe mak halai sai iha fulan hira liu ba, atu intrega an ba Polisia Nasional Timor Leste (PNTL).
Maijor General, Lere Anan Timur, fo sai deklarasaun ne’e ba jornalista sira hafoin hasoru malu ho Prezidente Republika (PR), Tuar Matan Ruak, hodi informa situasaun siguransa rai laran nian Kuarta (18/12).
Ita persija hatene dadus konaba sira ne’ebe mak halai ne’e no sira atu halai to’o iha nebe ba Indonesia mos la diak fila mai timor mos la diak ita kontinua tau matan no buka tempu uluk funu la hanesan tanba balu mai rende ital abele tuir mai vila no balu halai sae ba ailaran mos sira labele ba buka tuir iha ilaran tanba tauk maibe agora atu subar iha ne’ebe komando F-FDTL sei servisu hamutuk ho PNTL hodi buka tuir to hetan, hatete Lere.
Eis gerileriu ne’e husu ba prijoneru sira diak liu intrega an hodi submete ba hahalok ne’ebe mak sira halo ona, no kontinua sira nia kastigu duke Polisia Nasional Timor Leste mak kaptura no ikus mai tribunal amenta tan kastigu ba sira.
Iha fatin ketak Komandate Jeral Polisia Nasional Timor Leste (PNTL) Komisariu, Longuinhos Monteiro, mos hatete Polisia kontinua halo operasaun no servisu hamutuk ho Polisia Indonesia atu buka tuir prijoneiru nain 5 ne’e. Informasaun kompletu iha STL Jornal no STL Web, edisaun Kinta (19/12/2013). Thomas Sanches/Joao Aniba