DILI– Durante ne’e lei bandu atu ema sivil la bele uza farda Militar, maibee mosu ema balun kontinua uza, nee hatudu katak sira hakarak koko estadu nia forsa.
Kestaun ne’e hato’o husi Xefi Estadu Maior General F-FDTL, Maijor Jeneral Lere Anan Timor, hafoin halao inkontru seminal ho Prezidenti Republika (PR) Taur Matan Ruak, katak sira nebe kontinua uja farda military hakarak koko estadu.
Sira hakarak koko estadu nia forsa to’o iha nebee, ema ne’e la iha hanoin maka hakarak koko estadu, neduni ita husik ba naran lei iha ona, dehan sivil la bele uza farda, maibee sira hakarak koko maka ita hare, hateten Xefi Estadu Maior General FFDTL, Maijor General Lere Anan Timor, ba Jornalista hafoin remata inkontru ho PR Taur Matan Ruak, iha Palasiu Prezidensial, Aitrak Laran, Dili, Kuarta (19/02/2014).
Nia hateten lolos joventude no grupu organizadu sira ne’e hakarak koko ema sira nebee toma konta defeza no siguransa, katak sira brani ka lae. Tamba berani ne’e laos sosa, neduni hakarak agora brani nee halo kedas, nebee lalika preokupa buat sira nee. Informasaun kompletu iha STL Jornal no STL Web, edisaun Kinta (20/2/2014). Joao Anibal