DILI– Relasiona ho Timor Leste nebe Sei lidera Simeira, Komunidade Nasaun Lian Portugues durante tinan rua nebe komesa iha 2014 to’o 2015, Bispu Diocese Baucau Dom Basilio do Nascimento hein Ulun bo’ot nasaun ne’e sei hamorin Timor Leste iha Mundu Internasional, no sei la hamoe Timor.
Bispo Deocese Baucau Dom Basilio do Nascimento fo sai Informasaun ne’e hafoin halao enkontru ho Ministru Negosiu Estranjeiru (MNE) Jose Luis Gusteres hamutuk ho Bispu Diocese Dili Dom Alberto Ricardo no Bispo Deocese Maliana dom Norberto Amaral.
Agora ita nia boot sira hatene ita tenki halao servisu ida nee’e importante tebes ita boot sira pelumenus hamorin netik keta halo ita moe, dehan Bispo Deocese Baucau Dom Basilio Do Nacimento ba Jornalista Segunda (03/02/2014) iha Edifisiu Ministeriu Negosiu Estranjeiru Pantai Kelapa.
Iha parte seluk Primeiru Ministru Kay Rala Xanana Gusmão, Eis Primeiru Ministru Atual Sekretariu Jeral Partidu Fretilin Mari Alkatiri no Prezidente Republika Taur Matan Ruak, deskuti kona Timor Leste sei Lidera CPLP tinan ne’e. Informasaun kompletu iha STL Jornal no STL Web, edisaun Kuarta (5/2/2014). Timotio Gusmão