Lideransa Suku Sei Duni Sai Ema Estranjeirus Ilegal

DILI – Lideransa Komonitariu Xefe Suku liu-liu Suku Fatuhada, Subdistritu Dom Aleixo, Distritu Dili deklara katak iha tempo badak nia laran sei duni sai ema estranjeiru ne’ebe mak hela illegal iha nia area sem kuinesementu.

Deklarasaun ne’e fo sai hosi Xefe Suku Fatuhada, Marcelino Soares, ba STL iha ninia servisu fatin Sede Suku Fatuhada Segunda (09/09).

Tanba saida make ma estranjeiru sira mai barak los maibe baluk hela hamutuk ho ita maibe laiha kuinesementu ida ami fo hatene bebeik ona maibe sira la mai entaun ema ne’e mak sai fali deit ona sefe suku no sefe aldea bah au hatete ona komesa agora hau la halimar ema estranjeiru ne’ebe mak mai hela iha Timor liu-liu iha suku Fatuhada ne’e mak laiha kuinesementu hau sei duni sai nia hosi hau nia suku lori nia ba Polisia depois mak polisia desidi nia fatin hela ba maibe nia sei la maitan ona hau nia suku tanba nia laiha moral,  hatete Marcelino.

Xefe Suku Fatuhada ne’e mos hatutan, durante ne’e ema estranjeiru barak tebes mak hela iha suku laran maibe laiha ida mak atu ba deklara ba lideransa suku sira no pior liu tan make Timor oan ne’ebe fo uma ba ema aluga mos laiha informasaun, tanba ne’e lideransa sira perpara ona formulariu atu fo ba ema estranjeirus sira hodi prense no halo deklarasaun karik ida ne’e mak la kumpri dalan ikus mak duni sai ho obrigatorio. Informasaun kompletu iha STL Jornal no STL Web, edisaun Tersa (10/9). Tomas Sanches

LEAVE A REPLY

Please enter your comment!
Please enter your name here