DILI- Tamba sai amigo diak, Lezada Livania dada sai arguidu Marcelino das Neves husi krime maus tratus no ofencas integridade fizika simples, neebe Ministeriu Publiku akuza ba arguidu tanba lezada husu ona ba tribunal atu dada hikas keixa refere.
Juiz prezidente kolektivu Edite Palmira fo sai akuzasaun husi Ministeriu Publiku katak iha loron 13 Maio 2010, iha suku Fatu Bolu, distritu Ermera lezada Livania das Neves hakarak ba hare nia prima iha escola teknico vokasional Etica Ermera, hodi resolve problema konaba uma.
Iha momentu neba arguidu haruka lezada atu lori hotu nia oan maibe lezada lakohi hodi
dehan nia hakarak ba mesak, nune’e arguidu aperta lezada nia kakorok, silo lezada nia liman halo lezada monu ba rai to’o nia ain hetan kanek.
Relasiona ho hahalok arguidu nian mak Ministeriu Publiku akuza arguidu ho krime maus tratus, tanba altura ne’ebá lei kontra violensia domestika sidauk promulga husi President Republika. Informasaun kompletu iha STL Jornal no STL Web, edisaun aban Kinta (18/7). Timotio Gusmão
