DILI-Komandu Jeral Policia Nasional Timor Leste (PNTL), hato’o agradese ba governu Portugal nebe’e mak halo koperasaun diak ho governu Timor Leste (TL), iha area seguransa no fo kapasitasaun ba membru PNTL.
Komandante Jeral PNTL, Komisariu Longuinhos Monteiro fo agradese ba apoiu nebe’e governu Portugal fo ba governu Timor Leste (TL), tanba akordu ne’e hahu halao iha 2011, nune’e mos iha koperasaun tekniku nebe’e PNTL ho GNR sira halao ona.
Hau nia agradesementu tomak ba apoiu nebe’e governu Portugal fo, liu husi ita nia governu Timor Leste (TL), e hare katak, partisipasaun tekniku guarda nasional, formasaun ba iha agente foun rekrutamentu PNTL, agora dadaun lao hela, espera katak, politika nebe’e mak Timor Leste no PNTL difini bele hamosu deit Policia nia karakteristik no natureza, hateten Komisariu Long ba jornalista, hafoin partisipa iha seremonia vitiza ofisial husi Primeiru Ministru Portugal iha Salaun Akademia PNTL, Comoro Dili, Kinta (24/07).
Iha fatin hanesan Sekretariu Estadu Seguransa (SES), Francisco Guterres hateten, PM Portugal apersia ho apoiu nebe’e fo mai iha TL, liu-liu rekrutamentu ba membru PNTL foun, atu nune’e sira bele hetan buat nebe’e maka ho kualidade. Informasaun kompletu iha STL Jornal no STL Web, edisaun Sabado (26/7/2014). Jacinta Siquera
