DILI– Kondenada Lucia Lobato liu husi nia Advogadu Jose Comoes Kontra Desizaun Tribunal Rekursu (TR) nebe fo sai ona rezultadu, tan ne’e Hatama tan Rekursu Suspensaun liu husi Tribunal Distrital Dili hodi kontra desizaun Tribunal Rekursu.
Advogadu Eis Ministra Justisa Lucia Lobato, Jose Camoes Kinta (18/07/2013) hatama tan rekursu suspensaun ba Tribunal Rekursu liu husi Tribunal Distritu Dili, hodi kontra desizaun Tribunal Rekursu nebe sai semana rua kotuk husi juiz nain 6 katak sira servisu ho independensia tuir lei.
“Ami nia rekursu ne’e atu husu suspensaun impedementu ba juiz sira ne’ebé hola parte ona iha ami nia prosesu rekursu hotu. Hodi desidi juis seluk atu nune’e bele julga prosesu rekursu tuir independensia juiz ida-idak nian,” dehan Jose.
Tuir Advogadu ne’e katak desizaun refere advogadu la konkorda, mak sira nia parte kontinua uja meius atu liu husi dalan rekursu. Tan ne’e iha rekursu suspensaun impedimentu ne’e advogadu sira husu ba Tribunal Rekursu atu impede juiz nain 6 husi rekursu Lucia Lobato. Informasaun kompletu iha STL Jornal no STL Web, edisaun Sesta (19/7). Timotio Gusmão