DILI-Funu ou luta durante tinan 24 atu hodi korrupsaun ou naok te’en, laos funu para kria korruptor ou naok ten, hodi bosok povu aileba povu ain tanan.
Lia hirak ne’e hato’o husi Veteranus Frederico de Araujo Alias (Hauta Lafera) ba STL Tersa (25/02/2014) iha Edifisiu komite 12 de Novembru katak, durante funu tinan 24 ne’e laos atu kria koruptor ou naok ten, maibe atu hodi halakon naokten, nebe mak gosta bosok povu aileba no ain tanan sira, tanba ne’e tenki tau atensaun ba povu aileba no ain tanan.
Funu no luta durante tinan naruk nia laran nia insiativa ida katak, ukun rasik an hodi kontra korrupsaun, tanba ne’e ita funu laos ba deit ema ida, maibe ba povu tomak iha Timor laran, FALINTIL iha 1975 balu moris balu mate la defende ema ida nia vida, maibe ba ema hotu, ida fronteiru Leste to’o fronteiru Sul, Norte, no Sentru Sul, ida ne’e mak ita nia hakarak atu ukun an laiha ema ida para atu halo fali rezolianismu,” hatete nia.
Iha parte seluk, Pe. Mousinho Perreira Lopes katak impresaun sosiadade nian korrupsaun lao makas iha institusaun governu, tamba lei Anti Korrupsaun la forte, laos Lei Anti Korrupsaun deit maibe lei hotu-hotu tamba iha implementasaun mak la forte. Informasaun kompletu iha STL Jornal no STL Web, edisaun Kuarta (26/2/2014). Guilhermina Franco