DILI – Matebian Cristao Araujo de Jesus alias “Maucuru” ne’ebe hetan oho hosi nia kolega diak ho inisial M iha Sesta Kalan Semana kotuk iha area Meti-Aut, sei lori ba hakoi iha semiteriu Maubara Distritu Liquisa, depois halo Autopsia iha Hospital Nasional Guido Valadares (HNGV).
Matebian nia aman, Vasco Alexsandre, hatete tuir rejultadu autopsia matebian mate tanba hetan oho ho kuak hitu (7) maibe sira tur hamutuk ona ho familia autor nian hodi tau hamutuk hanoin atu halot matebian.
Depois halo autopsia matebian sei lori ba Meti-Aut hodi rau nia ran tuir kultura Timor nian foin lori ba Maubara tuir rejultadu Autopsia matebian hetan oho hosi nia kolega duni ho kuak 7 maibe horseik (segunda) ami hamutuk ho Polisia komonitaria tur hamutuk ho familia autor nian hodi rejolve tuir familia hodi tau hamutuk hanoin atu hakoi matebian, hatete Vasco Alexsandre, ba STL iha Hospital Nasional Guido Valadares (HNGV) Tersa (08/10.
Iha fatin hanesan tuir Xefe Suku Meti-Out, Julio da Costa Xavier, mos hatete familia matebian ho familia autor tur hamutuk, hodi halo akordu ida atu suporta matebian komesa hosi ninia mate, aifunan, to’o fali koremetan maske ituan ou barak. Informasaun kompletu iha STL Jornal no STL Web, edisaun Kuarta (9/10). Thomas Sanches/Orlando Pereira
