DILI– Relasiona Hopital Nasional Guidu Valadares (HNGV) nebe seidauk halo Autopsia ba Mate isin husi kazu krime nebe akontese iha Nasaun Timor Leste, bele hamoe Digdidade estadu Timor Leste tamba kada Tinan sempre Aprova osan bo’ot ba iha Parte saude, maibe kondisaun hospital kontinua Aat nafatin.
Ba Kestaun ne’e Deputadu husi bankada Opojisaun iha Uma Fukun Parlamentu Nasional (PN) Francisco Branco esplika investimentu boot nebe maka kada tinan estadu investe iha seitor saude, atu hakbiit sistema saude maibe realidade hatudu kondisaun Lamenta tebes.
Ita seidauk iha espesialista hodi halo Autopsia ita bele halo kontratu ho estranjeiru hodi halo servisu iha hospital, ita moe ita nia hospital sentra ida nebe ita orgoilu maibe ita senti ita moe tamba hospital ninia kondisaun sai fali hanesan hospital nebe iha foho, dehan Deputadu Branco ba STL, Kuarta (08/01/2014) iha Uma Fukun PN.
Mate isin husi kazu krime nebe mak seidauk Autopsia hamutuk nain lima nebe mai husi Taibesi, Becora, Liquica, Hera, no Balibo. Mate isin sira nee budu kleur ona, tamba dotour especial forensic passa ferias seidauk tama servisu, tan ne’e mate isin hirak ne’e seidauk bele Autopsia. Informasaun kompletu iha STL Jornal no STL Web, edisaun Kinta (9/1/2014). Timotio Gusmao