Media Tenki Hatudu Independen- Garante Suguransa

DILI- Reprezentante Povu iha uma fukun Parlamentu Nasional (PN) husu institusaun media no Jornalista Timor oan sira tenki hatudu independen no garante seguransa iha rai laran, tamba media mos kontribui ba prosesu dezemvolvimentu.

Tuir Vice Xefi bankada Fretilin Josefa Pereira katak liberdade imprensa nasaun ida kuandu laiha jornalista mundu lahatene buat ida, tamba laiha informasaun iha rai laran no mos rai liur, tamba nee imprensa tenki halo publikasaun neebe justu no balansu ba sidadaun hotu.

Media no jornalista sira tenki hare buat neebe edukativu no labele soran sidadaun sira no jornalista sira mos tenki kontribui seguransa, estabilidade iha ita nia rai, tenki hatudu Idependen,” dehan Josefa ba Jornalista Tersa (03/05/2016) iha PN.

Nia mos konsege hare buat barak neebe mak diak hanesan jornalista sira konsege tama too iha suku hodi hare dezemvolvimentu iha suku, kontribui hodi hare frakeza neebe mak iha nunee governu no parlamentu bele hadia tuir ida-idak nia area.

Iha fatin hanesan Xefi Bankada CNRT Natalino dos Santos hatete nia parte kongratula Jornalista Timor oan sira neebe halo komemorasaun loron mudial imprensa nian, tan nee empresa iha Timor Leste mos komesa tama iha ona vida adultu.

Nunee mos Vice prezidente Parlamentu Nasional Aderito Hugo hatete tomada depose ba konseilu Imprensa adia, tamba Prezidente Parlamentu seidauk halo konvite ba iha orgaun sira tamba sei iha prosesu neebe akontese iha parlamentu Nasional. Informasaun kompletu iha STL Jornal no STL Web, edisaun Kuarta (4/5/2016). Timotio Gusmao

LEAVE A REPLY

Please enter your comment!
Please enter your name here