Dili-Falintil Forsa Defeza Timor Leste (FFDTL), nain lima simu graduasaun divisa tuir lei no ordem, tamba forsa F-FDTL maka sai ezemplu ba nasaun no povu.
Seremonia graduasaun ne’e halao iha kuartel jeral F-FDTL Fatuhada, Dili Kinta, (7/11/2013). Tuir Xefi Estadu Maior Jeneral F-FDTL Maijor Jeneral Lere Anan Timor liu husi deskursu katak forsa servisu lori institusaun no estadu nia naran, tamba ne’e forsa sira mos kumpri misaun iha nasaun barak.
Tamba ita servisu lori institusaun no estadu nia naran ba mundu tomak, ita hatene katak iha nasaun nebee deit iha parte sivil liu-liu military,ita bele dehan katak liu military, maka foti nasaun nia oin no nia naran, tamba military sira kumpri nia misaun iha nasaun barak, ho tempu naruk, tamba nee ohin gradua sira nain tolu ba superior maijor, hateten xefi estadu Maior Jeneral F-FDTL Maijor Jeneral Lere Anan Timor, liu husi nia diskursu iha Koartel Geral F-FDTL Fatuhada.
Membru F-FDTL nain lima nebee simu promosaun divisa hanesan komadante komponente trestre Alberto Pereira dos Santos, gradua ba kapitaun fragata. Komponente Apoiu de Servisu João da Silva gradua ba kapitaun fragata ho Rinelde Guterres Cortereal, gradua ba kapitaun fragata. Kapitaun Luis Pinto ho Victorino Soares gradua ba Maijor. Nain rua seluk hanesan Vitor Marcal ho Januario dos Santos des gradua, husi maijor tun ba kapitaun. Informasaun kompletu iha STL Jornal no STL Web, edisaun Sesta (8/11). João Anibal