DILI- Kada tinan reprezentante povu iha uma fukun Parlamentu Nasional (PN) Aprova orsamentu nebe boot hodi halo prosesu Dezemvolvimentu iha rai laran, maibe realidade dezemvolvimentu lao tarde tamba Membru governu balun koalia mak barak hanesan “ Harmoko Alias Hari-hari omong kosong” maibe implementasaun hanesan lenuk.
Tuir daputadu Bankada Opozisaun Fretilin Deputadu Eladio Faculto katak membru governu balun fo liu importansia ba kargu, popularidade nebe mak okupa kargu ida Ministru no Sekretariu Estadu, maibe sira haluha tiha fiar nebe mak povu fo sira nebe atu servi povu.
ita ukun rai nee’e atu servi ita nia rai rasik, servi ita nia povu rasik laos ita nia aan rasik, ita terus no sofre ba rai ida nee’e ita tenki halo ho ita nia honestidade seriadade hodi respeita ita nia independensia, labele halo ita nia oin bokur ho osan povu nian, dehan Eladio ba STL Kuarta (02/10/2013) iha Parlamentu Nasional.
Iha fatin hanesan Deputadu Francisco da Costa husi Bankada CNRT hatete kona ba dezemvolvimentu nasional Timor Leste, bazea ba aprovasaun Parlamentu Nasional tan ne’e dezemvolvimentu lao sei nei-neik. Informasaun kompletu iha STL Jornal no STL Web, edisaun Kinta (03/10). Timotio Gusmão
