DILI—Relasiona ho rezulusaun ne’ebe governu hasai, hodi taka atividades arte-marsiais. Bazeia ba rezulusaun ne’e, oras ne’e membru Polisia Nasional Timor Leste (PNTL) balun, nebe’e uluk mete iha grupu arte-marsiais iha pasado, komesa entrega ona sira nia atributu ba iha komando jeral PNTL.
Tuir komadante PNTL distritu Dili, Superintedente Xefi Pedro Belo hateten, bazeia rezulusaun ne’ebe maka governu hatun katak, membru polisia sira maka uluk involve iha grupu arte-marsiais tenke deklara ba iha publiko katak sira husik atividade grupu arte-marsiais, hodi hili dalan ida deit atu servi ba instutusaun PNTL.
Tanba ne’e maka oras ne’e iha atributu arte-marsiais lubuk ida ona maka membru PNTL balun halo deklara no entrega ona ba iha koamndo jeral, iha gabinete operasaun nia fatin. Nune’e mos hau nia membru PNTL sira husi distritu Dili sira ne’ebe maka uluk tama ona iha grupo arte-marsiais, oras ne’e hau labele temi nain hira, mas sira konsege entrega ona sira atributu mai iha komandu, dehan Pedro Belo bainhira halo dialogo, iha Kuartel jeral PNTL distrito Dili, Tersa (27/08).
Tuir adjunto komadante jeral PNTL komisariu Afonso de Jesus hateten, tanba hakruk ba iha rezulusaun governu kona ba taka atividades arte-marsiais, iha fulan kotuk membru PNTL sira nebe’e uluk komete iha grupu arte-marsiais balun, oras ne’e kumpri ona rezulusaun governu hodi entrega sira nia atributu arte-marsiais mai iha komandu jeral. Informasaun kompletu iha STL Jornal no STL Web, edisaun Kinta (29/8). Sonia Ferreira