DILI—Adjunto Komadante Jeral Polisia Nasional Timor Leste (PNTL), komisariu Afonso de Jesus, hateten ba oin tenke hasae tan membru PNTL sira nia kapasidade, atu nune membru sira iha terenu mos bele iha kapasidade nebe diak, atu hodi atende komunidade sira ho diak.
Komisariu Afonso hateten dala ruma membru sira ba halo intrevensaun iha tereniu, ema dehan polisia laiha kapasidade nebe diak atu hodi halo atusaun ba problema sira nebe maka sempre akontese iha komunidade nia let.
ami nia Centro formasaun academia polisia nunka atu hapara atividades hanesan kona ba formasaun sira ba iha membrus PNTL sira hotu, tantu husi nasional to’o ba iha nivele distritu sira, atu nune hodi membru sira bele hasae diak, liu tan sira nia kapasidade liu husi formasaun sira nebe maka hetan husi centro formasaun ninian, dehan Afonso ba STL iha Kuartel Jeral PNTL Kaikoli Dili, Sesta (20/09).
Nune’e mos tuir komandante Dirasaun Polisiamentu Comunitaria Nasional (DPCN) superintedente aisten Boavida Ribeiro, esplika kona ba atu hasae kapasidade ba membru PNTL sira, tantu iha distrito to’o mai iha nasional, bele tamba oras ne’e polisia komunitaria nasional sei ba tan distrito seluk nebe maka sedauk halo treinamentu ba iha membru polisia komunitaria sira. Informasaun kompletu iha STL Jornal no STL Web, edisaun Sabado (21/9). Sonia Ferreira