Mina Folin Tun Alkatiri: “Hau Kontente Liu Tan”

DILI – Eis Primeiru Ministru neebe asumi kargu hanesan Prezidente Autoridade Rejiaun Espesial Oecusse/ZEEMS, Mari Alkatiri, hatete nia parte laos triste maibe kontente wainhira folin mina global tun.

Deklarasaun nee fo sai husi, Mari Alkatiri, ba jornalista sira iha Hotel Timor Tersa (11/05/2016) wainhira remata partisipa ha forum dezenvolvimentu nasional, neebe ho tema reforma ekonomia TL husi ekonomia petrolifeiro ba non petrolifeiru.

Ema barak mak preokupa ho folin mina neebe mak tun maibe hau la triste mais kontente liu tan tanba saida? Nee para atu loke ita hotu nia kakutak no hanoin hodi buka dalan seluk tau bele hetan osan tanba ita labele depende liu ba mina,” dehan Alkatiri.

Nia hatutan atu labele depende ba mina iha tasi Timor dalan seluk mak tenke dezenvolve seitor Turismu nomos Agrikultura, tanba liu husi seitor sira nee sei produs osan ba estadu.

Iha fatin hanesan Peskijador ONG Lao Hamutuk, Juvinal Dias, mos husu ba governu atu dezenvolve seitor sira seluk neebe mak bele produs osan, hodi bele ajuda orsamentu estadu hodi dezenvolve nasaun ida nee.

Nunee mos ho Diretur NGO Luta Hamutuk, Mericio Akara, hatete Fundu Minarai oras nee iha ameasa nia laran tanba produsaun mina iha Tasi Timor kontinua tun bebeik kada loron ba loron. Informasaun kompletu iha STL Jornal no STL Web, edisaun Kinta (12/5/2016). Thomas Sanches

LEAVE A REPLY

Please enter your comment!
Please enter your name here