DILI- Atu minimiza asaun kriminalidade rai laran, estadu Timor Leste liu husi policia Investigasaun tenki tesi kotu azensia Kriminozu iha rai laran, atu nune labele kria situasaun nebe la hakmetek ba povu iha capital Dili.
Tuir Prezidenti Conselhu Nasional Joventude Timor Leste (CNJTL), Leovigildo Hornai katak timor oan hotu iha papel atu minimiza asaun kriminal sira nebe akontese iha nasaun Timor Leste, Nudar Conselhu Joventude, apela nafatin ba Joven sira iha Timor atu sira husik hahalok violensia no krimi sira ho motive oi-oin.
Ita nia Estadu tenki iha papel nebe forte atu tesi kotu ejistensia no rede kriminozu sira liu husi servisu polisia intelizen nebe forte no kualidade, professional hodi indentifika situasaun ne’e, dehan Leovigildo ba Jornalista Sesta (27/9) bainhira remata lansamentu pakote edukasaun sivika ba kombate KKN iha Hotel Timor.
Iha fatin hanesan Padre Aniceto Maia da Costa O.Carm hatete, nasaun atu lao ba oin tenki implimenta lei nebe forte iha testu ne’e implimentasaun no realidade lao hanesan atu ema bele tauk halo violensia. Informasaun kompletu iha STL Jornal no STL Web, edisaun Sabado (28/9). Timotio Gusmão