DILI- Ministeriu Justisa (MJ) oras ne’e halao hela diskusaun ba Anti projeitu kona ba droga, hodi kombate droga iha nasaun Timor Leste, iha Projeitu lei ne’e sei fo pena masimu prizaun tinan 16 ba sidadaun nebe mak komete krime droga iha nasaun Timor leste.
Informasaun ne’e fo sai husi Ministru Justisa Dionsio Babo ba jornalista Kinta (22/08/2013) iha Edifisiu sentru Formasaun judisiariu, katak Ministeriu Justisa halao Diskusaun ba anti projeitu kona ba droga ninian.
Aspeitu husi lei ne’e mak ema balun loke kios ou usaha sira seluk mak iha kotuk faan fali droga lei nee’e sei hanesan nia ho nia bisnis hotu halo nia too kiak kedas, tamba droga Estrada ita nia saude no mos ita nia jerasaun foun, dehan Dionisio.
Nia esplika Ministeriu Justisa fo importansia boot ba iha krime droga, no husu atu lei nebe mak iha pasa lalais, tamba to’o oras ne’e Ministeriu Publiku la uza lei Timor ninian maibe uza fali lei Indonesia hosi akuza sidadaun nebe mak komete droga. Informasaun kompletu iha STL Jornal no STL Web, edisaun Sesta (23/8). Timotio Gusmão