DILI- Reprezentante Povu Iha Uma fukun Parlamentu Nasional husi Bakada Opozisaun Fretilin, Preokupa Sistema Justisa iha nasaun Timor Leste, Relasiona ho juiz nain lima iha Tribunal Rekursu hasai Akordaun bazea ba interpozisaun Suspensaun Kontra Prezidente Tribunal Rekursu Claudio Ximenes iha loron 16 Agustu 2013.
Bezea ba Deklarasaun Politika husi Bankada Opizisaun Fretilin nebe fo sai husi Deputadu Francisco Miranda Branco liu husi Sesaun Plenaria Tersa (01/10/2013) katak Fretilin Preokupa Sistema Justisa iha Timor Leste, tamba iha loron 16 Agustu 2013 Plenaria husi Juizes nain lima nebe integra iha Tribunal Rekursu, Hasai Akordaun ida bazea ba Interpozisaun Suspensaun husi Ministeriu Publiku kontra prezidente Tribunal Rekursu Claudio Ximenes.
Iha deklarasaun ne’e Deputadu Francisco hatete Akordaun Deklarasaun plenaria Tribunal Rekursu disidi fo deferimentu ba pedidu suspensaun husi Ministeriu publiku, atu prezidente Tribunal Rekrusu Claudio Ximenes labele halo intervensaun ba kazu balun nebe mak oras ne’e sei iha prosesu.
Ami prekupa tebes ho sistema ita nia justisa nian depois ami lee tiha akordaun nebe plenaria juis nebe intergra iha tribunal rekursu husi defere pedidu de suspensaun nebe mai husi ministeriu Publiku kontra prezidente tribunal rekursu Claudio Ximenes, dehan Francisco.
Ba informasaun ne’e STL seidauk halo Konfirmasaun husi Prezidente Tribunal Rekursu Claudio Ximenes, Ministeriu Publiku relasiona ho Ministeriu Publiku Defere Pedidu Suspensaun Kontra Claudio Ximenes iha loron 16 Agustu 2013. Informasaun kompletu iha STL Jornal no STL Web, edisaun Kuarta (2/10). Timotio Gusmao
