MP Rezistu Kazu Kriminalidade Organizadu Ho Korupsaun Hamutuk 122

DILI– Ministeiru Publiku (MP) durante nee rezistu kazu krime korupsaun no kazu kriminalidadade organizadu hamutuk 122. Husi kazu sira nee hahu iha loron 1 Janeiru too 31 Maiu, sira konsege konklui 57 prosesu no arkiva 13 prosesu.

Lia hirak nee hatoo husi Prokurador Jeral da Republika (PJR) Jose Ximenes, ba STL, hafoin remata enkontru ho Prezidente Republika Taur Matan Ruak, iha Palasiu Prezidensial, Aitarak Laran, Dili, Segunda (13/06/2016).

Hau hakarak informa deit konba kazu korupsaun no kazu kriminalidade organizada ita iha 122 kazus, korupsaun deit iha  76 kazu krimi organizadu 46 kazus, agora husi 1 janeru too 31 de maiu ita konsege konklui akuzasun 57 prosesu ita akuza ona, nee balun kazu korupsaun balun krimi organizada, ita arkiba 13 prosesu, purtantu 60 prosesu ita finaliza ona iha seis mezes nia laran inklui kazu balun hanesan konba kazu sosa karau ninia, nee ita akuza tiha ona iha 30 de maiu hein agora halo notefikasaun ba arguidu sira,” hateten Jose.

PJR nee mos aumenta tan katak konaba kazu alfandega neebe uluk lori sai konteiner rua, nee mos sira konsege akuza ona ema balun husi kompania, nomos ema balun husi funsionariu alfandega ninia nee mos tama hotu iha krimi organizadu.

Iha sorumutu nee PJR Jose Ximenes informa mos atividade Ministeru Publiku ba Prezidente Republika Taur Matan Ruak, konaba Aniversairu Ministeru Publiku iha semana kotuk liu ba.

Iha parte seluk Observador Justica Justinho de Araujo hateten servisu Ministeru Publiku durante nee lao kapas tebes, tamba sira konsege redus kazu sira neebe pendenti iha Ministeru Publiku. Informasaun kompletu iha STL Jornal no STL Web, edisaun Tersa (14/6/2016). Joao Anibal 

LEAVE A REPLY

Please enter your comment!
Please enter your name here