Muda Mentalidade, Kompete Merkadu Traballu

DILI – Kada tinan, Sekretariu Estadu Politika Formasaun Profesional Empregu (SEPFOPE) produs ema barak, ho objetivu atu redus numeru dezempregu iha rai laran, maibe atu kompete iha merkadu traballu, maka Joven tenke muda mentalidade kompete ho traballador estranjeru sira.

Preokupasaun nee fo sai husi Vice Prezidente Camara Comersiu Industria Timor Leste (CCI-TL) Joao Alves ba Jornalista Kuarta (08/03/2017) iha Luta Hamutuk Farol Dili.

Ita hare SEPFOPE produs ona joven sira liu husi formasaun, neebe barak maka kualifikadu ona maibe seidauk bele atu kompete ho ema rai liur. Atu kompete ho ema liur maka tenke prepara mos sira nia mentalidade atu nunee bele infrenta realidade iha kampu servisu,”informa Vice Prezidente CCI-TL Joao Alves.

Nia mos informa liu tan katak, mentalidade joven sira nian nee importante tebes atu halo kompetisaun iha kampu maibe, dala ruma mentalidade Timor oan nian seidauk diak maka fo impaktu mos ba sira atu halo servisu iha trenu. Sujestaun CCI-TL nian maka diak liu tenke kria eskola Bokasional atu nunee bele produs ema neebe ho eskil diak bele partisipa iha dezenvolvimentu nia laran.

Iha fatin hanesan Vice Ministru Obras Publiku transporte Komunikasaun, Inacio Moreira hateten, kada tinan SEPFOPE kria formasaun ba ema rihun ba rihun  liu liu iha area konstrusaun, balun hatudu duni sira nia kapasidade maibe balun tenke muda mos sira nia mentalidade de servisu atu nunee bele kompete iha merkadu traballu.

Ita preokupa tanba Timor oan barak maka hetan ona kapasitasaun husi SEPFOPE durante fulan barak no too mos tinan tomak, maibe kompania rai laran nomos rai liur sira la uza didiak Timor oan sira nee tanba deit, mentalidade Timor oan sira nian nee seidauk bele atu kompete, sira nee servisu uituan tenke tur tiha lai oras ida rua hodi fuma, maibe ema estranjeiru sira kuandu kaer ona servisu la hanoin atu atu tur no too oras atu han maka sira deskansa uituan hodi han, tan nee Timor oan seidauk adapta sistema servisu sira hanesan nee,”informa nia.

Nunee mos Reprezentante povu iha Uma Fukun Parlamentu Nasional, Deputadu Domingos de Carvalho mos hatutan, projetu sira neebe maka lao iha rai laran nee husi kiik too boot la involve Timor ona sira.

“Ami preokupa tanba Timor oan barak kapasita ona sira nia atu kompete iha merkadu traballu maibe, realidade neebe akontese, estranjeiru sira nee mai lori kedas sira nia ema husi rai liur, ate kahur masa deit mos tenke mai husi ema nia rai, lolos nee governu tenke hare atu nunee Timor oan mos iha oportunidade kompete iha merkadu traballu,”informa nia. Madalena Horta/Josefa dos Santor

 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...