DILI-Nasaun hamutuk 7 hanesan Australia, Filipina, Korea, Malazia, Tailandia, Singapura no Indonesiala partisipa iha eventu Taekwondo Open Championship 2017 iha Dili, Timor Leste tanba sira sei preparasaun iha atividadeseluk.
Tuir Sekretariu Jeral Federasaun Taekwondo Timor Leste, Gabriel da Costa hatete ba Jornalista iha Gamnaziu Dili, Sabadu (09/09/2017) katak sira labele partisipa tanba sira halo hela preparasaun ba eventu seluk. Timor Leste konvida mos sira hanesan Australia, Filipina, Korea, Malaysia, Tailandia, Singapura no Indonesia, maibe sira la iha resposta.
Bainhira iha prosesu preparasaun nia laran ami konvida sira katak fixu para atu mai partisipa eventu internasional nee maibe tempu besik para atu realiza eventu nee nasaun vizinu sira iha hela prepasaun ba jogu neebe sei mosu iha sira nia nasaun, hanesan Indonesia oras nee sira prepara hela ba Sea Games tamba Indonezia rasik mak sai uma nain,” nia dehan.
Iha fatin hanesan prezidente komisaun organizadora Rogez Varela Rodrigues hateten durante fulan hirak liu ba iha prosesu preparasaun halo komunikasaun l;iu husi Email hodi konvite nasaun sira seluk atu mai partispa iha atividade desportu ida nee, maibe realidade too loron sira la fo resposta katak labele paratisipa iha eventu nee.
Maske nasaun sira neebe ita konvida atu mai partisipa iha jogu ida nee laiha maibe ami realiza eventu ida nee ho sistema internasional no la hanesan ona uluk, Eventu Taekwondo 2O Open Championship 2017 nee hetan apoiu orsamentu husi SEJD total hamutuk rihun 50 dollar Amerikanu.
Entertantu observasaun jornalista iha terenu katak iha eventu nee interasional maske Federsaun husi nasaun seluk la partisipa maibe husi atleta federasaun Taekwondo Timor Leste hetan partisipasaun no kolabora ho diak parte husi SEJD nomos husi Polisia Militar hodi fo asegura ba eventu nee too remata.
