Nomeasaun Filomeno ba Major, PN Laiha Informasaun Legal

DILI – Reprezentante povu iha Uma fukun Parlamentu Nasional (PN) too oras nee seidauk iha Informasaun formal husi governu no Prezidenti Republika ba nomeasaun major General foun iha Institusaun Falintil Forsa Defeza Timor Leste (F-FDTL).

Tuir Xefi Bankada Fretilin Aniceto Guterres hatete iha samana hirak ba kotuk Timor Leste hasoru situasaun neebe mak ekstraorinariu, tamba desizaun Prezidente Republika exonera Major Jeneral Lere Anan Timuor no nomea Xefi Estadu Major Jeneral Foun.

ita la kestiona se mak sae no tun maibe asuntu nee Parlamentu tenki tetu duni no fo prioridade masimu atu intervene, tamba Prezidente Republika hola tiha desizaun no governu mantein nia pozisaun ita bele dehan agora krize institusional,” dehan Aniceto Liu husi Sesaun Plenaria, Segunda (15/02/2016) iha PN.

 Nia hatete agora krize Institusional komesa lao hela, tan nee parlamentu nudar orgaun soberania ida la fo inportansia ba situasaun nee atu interven.

Nunee mos Xefi Bankada CNRT Natalino dos Santos hatete problema neebe iha mak nomeasaun Xefi Estadu Forsa Armada, problema neebe mak seriu maibe laiha informasaun no reuni hodi buka solusaun.

Hatan ba Preokupasaun nee Prezidente PN Vicente Guterres katak PN too oras nee laiha informasaun formal konaba namoesasaun no prolongamentu ba iha Xefi Estadu Forsa Armada ninian. Informasaun kompletu iha STL jornal no STL Web, edisaun Tersa (16/2/2016). Timotio Gusmao

3 COMMENTS

LEAVE A REPLY

Please enter your comment!
Please enter your name here