DILI- Orsamentu Jeral Estadu (OJE) 2013 nebe Parlamentu Aprova ba iha Governu Koligasaun, hodi halo dezemvolvimentu iha Nasaun Timor Leste, Governu foin ejekuta 43% husi total Orsamentu biliaun 1.6 Dolar Amerikanu.
Dadus Mnisteriu nebe mak konsege halo ejekuasaun diak iha OJE 2013 mak Komisaun Nasional Elisaun nebe Atinji 71% no ministeriu Estadu ba Konseilu Ministru Antinji 62 %, maibe Ministeriu Transportes ho Telekomonikasaun (MTK), Sekretariu Estadu Politika Formasaun Profissional no Empregu (SEPFOPE) tama iha lina mean tamba ejekusaun seidauk to’o 20%.
Tuir Vice Ministra Finansas Santina Cardoso katak Ministeriu Finansas fahe informsaun kona ba kondiasaun aktual ezekusaun orsamentu husi ministeriu ida-idak, hodi fo lembra tamba konta zeral estadu sei taka iha 31 Dezembru, tan ne’e ministeriu sira presiza hare lina aprovizionamentu no pagamentu hotu iha ministeriu ida-idak.
Too oras ne’e total orsamentu estadu tinan 2013 ninian foin atinji 43 %, tamba ita nia orsamentu foin aprova iha fulan marsu no mos iha prosesu aprovizionamentu nebe mak presija tempu atu lina ministeriu sira presija halao, dehan Vice Ministra Finansas Santina Cardoso ba Jornalista Kinta (17/10/2013) iha Balide.
Nia parte fiar katak prosesu sira nebe mak iha sei lao hela, tamba oras ne’e projeitu fiziku nebe mak iha kontinua prosesu implementasaun, tan ne’e projetu sei remata iha Novembru, tan ne’e pedidu pagamentu ho ezekusaun kada ministeriu sei aumenta. Informasaun kompletu iha STL jornal no STL Web, edisaun Sesta (18/10). Timotio Gusmão