DILI- Kintu Governu Konstitusional iha Ejekusaun Orsamentu Jeral Estadu (OJE) 2013, menus tebes kompara ho tinan hirak liu ba, maibe Orsamentu ne’e gasta barak liu ba Vizita Estranjeiru tamba menus kapasidade atu Ejekuta osan.
Informasaun ne’e fo sai husi Sekretariu Jeral Partidu Fretilin Mari Alkatiri katak Ejekusaun Orsamentu iha tinan 2013, governu ejekuta oituan liu no hatudu momos governu laiha kapasidade atu ajekuta orsamentu nebe Aprova.
Ezekusaun orsamentu 2013 oituan liu no hatudu momos governu lahatudu kapasidade atu ejekuta orsamentu maibe osan barak liu mak gasta liu ba viazen rali liur, viajen mak lapara hela deit, Ami hatete osan laos uza atu Pasiar ninian, dehan Mari Alkatiri ba Jornalista Kuarta (04/12/2013) iha Uma fukun Parlamentu Nasional.
Nia hatutan Osan nebe Parlamentu Aprova atu hadia povu nia moris, hadia kondisaun povu nian atu moris diak, tan ne’e Fretilin sei halo proposta balun maibe orsamentu Aprova no La Aprova mos Governu Laiha mudansa. Informasaun kompletu iha STL Jornal no STL Web, edisaun Kinta (5/12/2013). Timotio Gusmao