Partisipasaun Komunidade Ba, Dezenvolvimentu Importante

DILI- Partisipasaun komunidade nian ba  dezenvolvimentu Nasional importante tebes, no sai hanesan fundamentu ba nasaun, tan nee governu tenke kria nafatin formasaun hodi kapasita komunidade no joven sira nia skill atu nunee bele kompete ho estranjeiru.

Tuir Prezidente Grupu Industria, Ines  da Costa hateten, oras nee dadauk Governu komesa kria ona formasaun oin oin, atu promove komunidade nia skill, atu nunee bele halo kompetisaun iha merkadu negosiun tanba, hare ba kondisaun real iha TL oras nee ema estranjeiru maka domina iha merkadu negosiu.

Ita hare partisipasaun komunidade nian ba dezenvolvimentu nasional, liu liu iha merkadu do negosiu nee kiik tebes tan nee, merkadu rai laran domina ho ema estranjeiru sira, maibe governu hahu esforsu hodi kapasita komunidade  liu liu iha area negosiu nian atu nunee bele kompere ho ema estranjeiru,”informa Prezidente Grupu nee ba Jornalista iha akait Dili,  Segunda (13/3/2017).

 Nia mos informa liu tan katak, kapasitasaun neebe maka governu oferese nee ba komunidade no grupu kiik sira nee importante tebes atu nunee bele hasae kapasidade no konesementu povu kiik nian iha vida negosiu, liu liu atu halo jestaun ba sira nia finanseru tanba governu koopera hamotuk ona ho Banku atu fo kreditu ba atividade negosiu kiik sira.

Iha parte seluk reprezentante povu iha uma fukun Parlamentu Nasional, Deputada Brigida Coreia hatete, Dezenvolvementu iha rai ida nee atu lao diak maka, Governu tenke hakas aan liu husi kria formasaun ba entidade sira hotu, atu nunee bele fo hanoin ba povu kik sira hodi hakbesik aan ba iha Seitor Industria no setor Kooperativa, atu nunee Dezenvolvementu iha rai laran  bele lao ba oin.

Ita hare governu halo ona esforsu ho Banku BNCTL, atu fo kreditu ba grupu kiik sira nee, maibe atu halo jestaun diak liu ba sira nia atividade maka, governu tenke kria duni formasaun ba sira atu nunee bele jere didiak sira nia atividade negosiu nee ho diak,”informa nia.

Nunee mos Deputadu Paulino Monteiro mos hatete, investementu iha TL nakonu ho Xineza sira, tamba nee husu ba Governu atu fasilita povu kiik sira oinsa sir abele asesu ba kreditu, tamba osan laiha maka povu labele halo buat ida iha rai laran, no oportonidade fo ba ema ria liur maka mai domina. Madalena Horta

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...