DILI–Relasiona ho problema pasaporte Timor Leste ne’ebe sai problema iha nasaun balu, Ministru Negosiu Estranjeiru (MNE) hamutuk ho Ministru Justisa (MJ) iha planu ona atu halo foun pasaporte TL nian.
Tuir Vise Ministru Negosio Estranjeiru, Constancio da Conceição Pinto, ba jornalista sira iha servisu fatin Kinta (19/09), hatete nia rekuinese duni iha problema ho pasaporte TL nian tanba iha nasaun balu la aseita ou la simu.
Ita defaktu iha duni problema ho ita nia pasaporte ne’e tanba iha rai balu sira nia sistema aseita maibe iha rai balu laiha ne’e tanba sistema mak diferente, iha rai balu uza sistema digital iha rai balu laiha ne’ebe ita iha problema ituan iha ne’e ita nia maluk barak hanesan deputadu balun ne’ebe infrenta problema ida ne’e wainhira ba rai liur I agora MNE hamutuk ho MJ hare ona atu oinsa emiti fali pasaporte foun ho siguransa hanesan ho rai seluk ne’enbe iha tempo badak it abele iha pasaporte foun ne’ebe sei iha prosesu nia laran hela, hatete Constansio.
Iha fatin hanesan Ministru Justisa, Dionisio Babo Soares, hatete informasaun ne’ebe dehan pasaporte TL nian la los ne’e sala, tanba seidauk iha informasaun ida hosi organijasaun internasional ne’ebe mak kaer asuntu pasaporte nian atu dehan katak pasaporte TL la vale. Informasaun kompletu iha STL Jornal no STL Web, edisaun Sesta (20/9). Tomas Sanches-Marcos Falo