DILI- Ministeriu Publiku (MP) notifika David hanesan arguidu, tenki foti sasan iha loja laran, tanba deit arguidu nia patraun Jose Hai Kim nain ba loza Liliana Shop selu nia salario la tuir standar trabalhador.
Tuir deklarasaun arguidu katak, iha tinan 2012 nee arguidu komesa servisu iha loja Liliana Colmera Dili. No servisu deskansa la iha, husi Segunda to’o Domingo. Maibe salariu neebe nia simu US$ 80 deit, la tuir standar nebe governu liu husi Sekretariadu Estadu Politika Formsaun e Emprego (SEPFOPE) implementa.
Arguidu rekonese katak nia foti duni serveza lata 20, tiger lata 20 no susuben Lactogen kaisa 2. Hafoin rona deklarasaun lejadu Jose esplika katak, bainhira salario la tuir standar governu, arguidu bele koalia ho nia. Maibe labele foti fali sasan iha loja.
depois nia foti tia hau nia sasan nia foti an fali mai hau, hetan hau mos nia foti oin deit. Maibe hau perdua nafatin nia, tanba atu ejije nia selu mos labele. Tanba agora dadaun nee arguido la iha servisu, dehan lejadu ba tribunal.
Iha audensia julgamentu ne’e prezidi husi juis Duarte Tilman, MP reprejenta prokurador Hernanio Rangel, arguidu hetan asistensia legal husi defensor publiku Marcal Mascarinhas. Informasaun kompletu iha STL Jornal no STL Web, edisaun Tersa (25/2/2014). Domingas Gomes