PD Hametin Estrutura Iha Baze, Prontu Kompete Iha Eleisaun 2017

DILI – Partidu Demokratiku (PD) kontinua halo konsolidasaun, reestruturasaun no mos reajustamentu ba estrutura sira iha suku Comoro, aldeia 12 Outobru no Tera Santa hamutuk 132.

Informasaun nee fo sai husi Sekretariu Jeral PD, Nino Pereira ba jornalista sira wainhira remata fo tomada pose ba estrutura sira iha suku Comoro-Dili, Sabadu (25/09/2016).

Formalmente sira sai hanesan ajente ba Partidu Demokratiku (PD) atu bele hatutan vizaun no misaun mos programa PD nian iha aldeia nee, i atu fo konfiansa ba iha estrutura sira atu halo aprosimasaun ba iha komunidade, joventude feto no mane,” nia dehan.

Nia afirma, atu bele haree PD hanesan forsa politika boot ida neebe mak prontu atu kompete iha eleisaun jeral 2017, no mos prontu ona atu kaer ukun wainhira povu ida nee fo fiar ba Patidu Demokratiku.

Iha fatin ketak, estrutura nasional PD, Julio Metan Malik dehan, PD sei sai hanesan alternativu tanba wainhira Lasama mate, ema hanoin kala PD lulun biti, maibe kontrariu fali semakin banjir. Fatin sira neebe rama ambon, fatin sira neebe tudik no katana deit, mate ka moris bandeira hun deit, maibe bandeira hun mos lakon.

Tuir Observasaun STL iha tereinu nota katak atividade sosializasaun nee hetan partisipasaun mazimu husi militante no simpatizante PD, inklui estrutura nasional PD. Informasaun kompletu iha STL Jornal no STL Web, edisaun Tersa (27/9/2016). Raimundo S. Fraga

LEAVE A REPLY

Please enter your comment!
Please enter your name here