DILI- Maske Oras ne’e Provedor Direitus Humanus no Justisa (PDHJ) Timor Leste ho Komnas Ham Indonesia, halao ona akordu hodi buka tuir Timor oan nebe lakon iha tempu funu, maibe Timor Leste Seidauk halo ratifikasaun konvensaun buka Ema lakon iha tempu funu.
Tuir Deputadu Bankada CNRT Arao Noe Informa katak tratadu sira nebe mak koalia kona ba ema lakon iha tempu funu, Timor Leste fo prioridade maibe governu liu husi Ministeriu Negosiu estranjeiru mak tenki aprejenta tratadu iha parlamentu tamba importante.
Governu mak tenki aprezenta tratadu hodi submete mai iha parlamentu nasional atu nune fo proiridade atu ratifika tamba nee’e inportante tebes relasiona ho ita nia ema nebe lakon durante tinan 24 nia laran nebe lori sai husi Timor ita lahatene sira nia paradeiru, dehan Arao ba Jornalista Kinta (21/11/2013) iha Uma fukun Parlamentu Nasional.
Iha parte seluk Ministru Negosiu Estranjeiru no Kooperasaun Jose Luis Guterres katak nasaun Indonesia liu husi nia Ministru Negosiu Estranjeiru afirma ona prontu koopera ho Timor Leste, hodi buka tuir Timor oan nebe lakon iha tempu funu to’o ohin loron seidauk hetan. Informasaun kompletu iha STL Jornal no STL Web, edisaun Sesta (22/11/2013). Timotio Gusmao