DILI–Provedoria Direitus Humanus e Justisa (PDHJ) Segunda (18/11) intrega relatorio tinan ida ba Prezidente Republika (PR), Taur Matan Ruak, kona fiskalijasaun PDHJ ba projeitu ne’ebe mak laiha kualidade iha distritu 13.
Hafoin intrega relatoriu ne’e, PDHJ Sebastiao Diaz Ximenes hateten sira nia servisu halo fiskalizasaun konaba projeitu iha rai laran, husi rezultadu ne’e identifika katak iha projeitu barak mak laiha kualidade.
Ami nia servisu mos halo fiskalizasaun konaba projetu sira ne’ebe mak iha ita nia rai laran tanba barak mak laiha kualidade, tanba ne’e mak relatorio ami iha hotu ona no intrega ona ba ita nia Prezidente da Republika, hodi hare tanba ita nia Prezidente rasik mos kolia bebeik ona konaba projetu ne’ebe mak laiha kualidade, hatete Sebastiao ba jornalista sira iha Palasiu Prezidenti, Aitarak Laran, Segunda (18/11/2013).
Responde ba relatorio PDHJ, Prezidente Republika, Taur Matan Ruak, husu ba PDHJ atu servisu diak liu tan hodi kontrola servisu governu nian, no Xefi estadu apresia ho servisu PDHJ nebe mos bele kontrola servisu governu. Informasaun kompletu iha STL Jornal no STL Web, edisaun Tersa (19/11). Thomas Sanches