DILI – Provedoria Direiru Humanus e Justisa (PDHJ) oras ne’e servisu hamutuk ho Komisi Nasional Hak Asasi Manusia (Komnas HAM), hodi buka tuir Timor oan sira ne’ebe mak tropa Indonesia lori iha tempu funu nia laran.
Informasaun ne’e hato’o hosi Provedoria Direirus Humanus e Justisa, Sebastiao Dias Ximenes, ba jornalista sira iha Palacio Prezidensia Aitarak laran, hafoin hasoru malu ho Prezidente Republika, Taur Matan Ruak, hodi informa servisu PDHJ, Segunda (18/11/2013).
Ami mai hato’o relatoriu servisu PDHJ tinan ida nian ba iha Prezidente nomos ami kolia ho Prezidente konaba servisu hamutuk PDHJ nian ho Komnas HAM ne’ebe mak asina ona akordu iha tinan kotuk iha akordu ne’e PDHJ ho Komnas HAM sei buka tuir labarik Timor oan sira ne’ebe mak Indonesia lori iha tempu funu nia laran hahu 1975 to’o 1999 ba iha Indonesia atu nune’e sira m,os bele kuinese sira nia inan ho aman, dehan Sebastiao.
Iha fatin ketak deputadu, Inacio Moreira, husu ba PDHJ laos deit atu buka tuir Timor oan sira ne’ebe mak Indonesia lori, maibe tenke buka tuir mos heroi sira ne’ebe mak mate nia ruin hakoi iha nebe. Informasaun kompletu iha STL Jornal no STL Web, edisaun Tersa (19/11). Thomas Sanches