DILI– Komadante Jeral Polisia Nasional Timor Leste (PNTL), Distritu Dili Superindenti Xefi Pedro Belo deklara ba publiku katak kazu krimi nebee akontese durante nee iha Dili laran tun ba bebeik, laos sae.
Nia hateten tamba dalaruma situasaun ida mosu urzenti, maibee dehan situasaun iha rai laran la diak hotu, maibe husi rezultadu krime hatudu katak husi Janeiru to’o Setembru, kazu krime tu’un.
Tuir ami nia hare krimi nee tun ba bebeik, laos sae, maibee problema ruma mosu halo fali problema nee boot, ita hare iha fulan janeru krimi akuntese hamutuk 83, Febreru 73, iha Marsu nia laran 90 depois iha April nia laran 89, iha Maiu nia laran sae ba 108, Juni nia laran tun fali ba 90, depois iha Juliu nia laran tun tan ba 83, Agustu nia laran 68 depois iha Setembru nia laran tun ba 60, nee haudu katak krimi iha Dili laran nee tun laos sae, hateten Pedro liu husi seminariu konaba violensia domestika no Siguransa Jeral iha Vila Verde, Manu Meta Rai Hun, Dili, Kinta (03/10/2013).
Nia hatutan mesmu kazu iha Setembru nia laran tun, maibee akuntese fali kazu ida KIBATA ho MOSTER nebee mosu iha Fatuhada no Kampung Alor. Ho ida nee maka halo situasaun paniku. Informasaun kompletu ih STL Jornal no STL Web, edisaun Sesta (4/10). João Anibal/ Tomas Sanches
Â