PM Relata Dezastre Naturais Ho Covid-19 Ba PR

DILI, STLNEWS.co – Primeiru Ministru, Taur Matan Ruak hatoo resposta dezastre naturais nomos numeru Covid-19 neebe aumenta iha rai laran, ba Prezidente Republika (PR) Francisco Guterres Lú Olo.

“Enkontru semanal ho Prezidente Republika ohin ami koalia assuntu rua deit, ida kona ba resposta ita nia ba dezastre naturais, ida seluk mak kona ba Covid-19 neebe dadaun nee aumenta numeru makaas loos,” hatete PM Taur, ba jornalista sira, bainhira remata enkotru ho PR, iha Palasiu Prezidente Nicolau Lobato, Bairru Pite, Dili, Kinta (06/05/2021).

Xefe governu hatutan, Dili sai sentru Covid-19 kada loron kontinua aumenta makaas, husi nee mak ba fali munisipiu sira.

”Ita iha avansa ho medidas rua ida mak ita agresivu oituan iha medidas sira hanesan test dadaun nee Governu deside avansa ho test masal, nunee mos ho ida seluk mak avansa ho vasina no horiseik Kuarta Vasina mai rihun rua nulu (20.000) mai husi Australia no loron 19 sei mai tan rihun sanulu (10.000),” kataka Xefe Governu.

Primeiru Ministru hatete, buat hotu diak no sistema Covax nia neebe foin dadaun simu tiha vinte kuartu mill nee sei mai trinta oito mill.

“Se buat hotu diak entau ita mos simu, se laos fulan ida nee prinsipiu fulan Junu nia ita simu sem mill husi Xina nee besik sentu noventa mill ba fulan Maiu no Junu nee fo pasu diak,” PM Taur hatete.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: