PM Rui Halo Surpreza Ba Institusaun Estadu La Iha Rezultadu

DILI– Primeiru Ministru Rui Marai de Araujo, promete atu halo vizita surpreza ba institusaun estadu hotu iha Timor laran tomak, hodi hadia prestasaun servisu iha institusaun estadu, maibe vizita supreza nee la fo rezultadu diak, tamba vizita supreza nee macet iha dalan klaran.

Lia hirak nee hatoo husi Ativista Lorenco de Carvalho, ba STL iha nia knar fatin Colmera, Dili, Segunda (13/06/2016).

Primeiru Ministru Rui iha nia tomada depose promete katak nia sei hadia institusaun estadu hotu, iha VI Governu Kostitusinal neebe nia Xefia ba, maibe narealidade la akuntese, tamba iha foun-foun PM Rui rasik halo vizita supreza ho namanas hodi hadia prestasaun servisu, maibe ikus mai vizita supreza ida nee lakon e avaliasaun servisu ba institusaun estadu mos la iha rezultadu,” hateten Lorenco.

Ativista nee mos hatutan tan katak durante tinan ida ona, sira hare direitamente servisu Ministeru sira nia too funsionariu publiku nia lao la tuir regras neebe iha, mesmu funsionariu publiku nee kontrola husi Komisaun Funsaun Publiku.

Iha parte seluk Dosente UNDIL Alberto de Sosa hateten VI Governu kostitusional halao servisu lao tuir dalan, nunee mos kontrola funsionariu sira nee diak, tamba funsionariu publiku tuir lei neebe aplika. Informasaun kompletu iha STL Jornal no STL Web, edisaun Tersa (14/6/2016). Joao Anibal

LEAVE A REPLY

Please enter your comment!
Please enter your name here