PM Rui: “Knar Funsaun Publiku Importante Tebes”

DILI – Knar ou papel administrasaun funsaun publiku importante tebes iha prosesu konstruksaun estadu, tanba funsaun publika mak hanesan makina estadu.

Deklarasaun nee fo sai husi Primeiru Ministru, Rui Maria de Araujo, liu husi deskursu wainhira partisipa iha Seminariu Nasional Funsaun Publiku, neebe mak halao iha Centru Convensaun Dili Kuarta (16/03/2016).

Knar funsaun publiku nian nee importante tebes tanba nee ita hotu hamutuk atu hare ba pontus fortes, frakeja, oportunidade no ameasa ba funsaun publiku iha rai laran iha kontestu knar funsaun publika nian iha prosesu konstruksaun estadu,” dehan PM Rui.

Nia husu ba funsionariu publiku sira atu halo knar no funsaun ho diak tanba se laiha politika maka sei laiha mos impelementasaun no lojikamente sei laiha mos rejultadu, tanba se iha politika maibe laiha implementasaun auto konstruksaun no sastifasaun maka objetivu estadu nian sei la realija ho diak.

Iha fatin hanesan Prezidente Komisaun Funsaun Publiku, Faustino Cardoso, mos hatete katak liu husi Seminariu Nasional nee atu tau hamutuk idea husi parte hotu-hotu, hodi nunee bele rezolve problema neebe mak durante nee funsaun publika infrenta.

Nunee mos ho Ministru Estadu Coordenador Asuntu Administrasaun Estadu no Justisa e Ministru Estatal, Dionisio Babo, mos hatete katak iha problema barak mak seidauk rejolve iha funsaun publiku nia laran, tanba nee ba futuru governu sei hare hodi rezolve problema neebe mak iha nomos kontinua hadia sistema neebe mak ladun lao ho diak. Informasaun kompletu iha STL jornal no STL Web, edisaun Kinta (17/3/2016). Thomas Sanches

LEAVE A REPLY

Please enter your comment!
Please enter your name here