SAME—Primeiru Ministru (PM), Kay Rala Xanana Gusmao husu ba joventudi Timor oan tomak ne’ebe remata ona eskola, atu kontribui ba nasaun hodi lori paz no dame ba TL, laos atu halo violensia.
Agora Timor oan halo TL nia naran foer iha Indonezia no Irlandia, tanba involve iha Arte Marsial hodi oho malu, ida ne’e hatudu izemplu ladiak ba iha ema nia nasaun. Ne’eduni PM Xanana katak, nudar joven sedadaun Timor atu hanoin foun hodi dezenvolve nasaun ida ne’e.
Ita hein deit iha serimonia ruma ita halo deit, 1 minutu de silensiu ba sira maibe sira husu hela ita atu book an, ita tenke kontribui ba nasaun ida ne’e atu dezenvolve ita nia rain, estadu loke dadaun ona dezenvolvementu husu ba jovens sira ne’ebe remata ona eskola atu book an, labele deit hanoin mak involve iha artemarsiais halo violensia hodi hamonu ita nia naran iha Indonesia ho Irlandia, hatete PM Xanana liu husi ninia deskursi liu husi Inagurasaun EDTL Betano, Tersa (20/8).
Nia informa tan katak, bainhira Timor oan oho malu hanesan ne’e bebeik, TL sei la ba oin. Nudar joven tenke hanoin buat foun ruma, hanesan dadaun Governu tau ona fasilidade Eletrisidade atu bele fanun joven sira nia hanoin, hodi halo buat ruma iha futuru. Informasaun kompletu iha STL Jornal no STL Web, edisaun Sesta (23/8). Oscar Salsinha