DILI—Primeiru Ministru (PM) Kay Rala Xanana Gusmao, Segunda (22/7), halo vizita ba Australia hodi hare ninia fen, Kirsty Sword Gusmao ne’ebe moras no hetan tratamentu iha Ospital Australia, depois hetan rekoperasaun. PM Xanana, sei fila fali mai TL, Domingu (28/7), ne’eduni nia fo kompetensia ba Agio Pereira nudar Primeiru Ministru Interinu durante nia sei iha rai liur.
Tuir hirarkia iha estadu, PM Xanana halo vizita ba rai liur, ninia Vise PM, Fernando La Sama de Araujo maka asumi kargu ne’e, tanba kondisaun Fernando La Sama de Araujo ne’ebe foin lalais ne’e hetan operasaun iha Singapura, ne’eduni La Sama presiza deskansa barak.
Tuir informasun ne’ebe STL hetan iha Palasiu Governu, Segunda (20/7), katak PM Xanana Gusmao ho nia oan nain tolu halo vizita especial ba iha Australia ho aviaun Air North.
STL mos rekoila dadaus husi Gabinete Vise PM, katak Vise PM, Fernando La Sama de Araujo seidauk bele halao nia knar hanesan bain-bain, tanba presiza deskasa durante fulan tolu nia laran. Informasaun kompletu iha STL Jornal no STL Web, edisaun Tersa (23/7). Oscar Salsinha
