DILI_Bankada Fretilin iha uma fukun Parlamentu Nasional (PN), informa katak, prosesu dezmobilizasaun ba FALENTIL ho Vetranus sira ida nee planu assosiasaun Vetranus, hein katak veteranus no FALENTIL sira bele simu planu governu nian, nune’e dezmobilizasaun bele halao ho diak.
Dezmobilizasaun nee persiza halo duni liu-liu mos tuir planu Asosiasaun Veteranus sira nia hanoin katak, periza tenki halo duni ba ita nia maun alin FALENTIL sira ne’ebe durante nee sei asume kargu maibe tanba deit ho razaun seluk haneasn idade no saude, dehan Inacio Moreira deputadu husi bankada Fretilin ba STL iha uma fukun Parlamentu Nasional (PN), Kinta (11/07).
Nia hateten Estadu hanoin oinsa bele halo dezmobilizasaun hodi valorize sira, atu sira bele husik hela kargu ruma ne’ebe lolos tenki halo ho didiak, maibe tanba kondisoens hanesan ohin hau esplika ona neduni persizamente tenki halo remodelasaun hodi sira bele deskansa.
Deputadu Cesar Pilotu pessoal hanesan konbatantes dehan katak, dezmobilizasaun nee dalan diak, nune’e maske nia la hetan lista kona ba naran hirak ne’ebe maka tama iha prosesu dezmobilizasaun maibe nia fiar katak, ema hirak ne’ebe naran iha ne’e mesak ema vetaranus.
Entertantu Vise Ministru Solidaridade Sosial (MSS), Jacinto Rigoberto informa katak, numeru dezmobilizasaun ba tinan ida nee hamutuk 219. Informasaun kompletu iha STL Jornal no STL Web, edisaun Sesta (12/7). Natalia Moniz
