PN Fo Votus Pezar Ba Veteranus Sira Neebe Maka Mate

DILI-Reprezentante povu iha Uma Fukun Parlamentu Nasional, fo sira nia votus pezar ba veteranus sira neebe maka mate foin lalais nee.

Veteranus sira neebe maka membru Parlamentu Nasional sira fo Votus pezar maka hanesan, saudozu Miguel Barros Mulo, saudozu Cesario Ximenes Liter, no saudoza Helena Maria Carlota de Araujo.

Xefi bankada Fretilin Aniceto Guterres hatete, halo votus depezar nee, atu fo ondra ba sira nia partisipasaun iha luta nee, mais ba veteranus Liter lakestiona  votus de pezar ida nee, I lamenta oituan atu fo ondra ba saudozu sira, maibe pratika neebe maka hatudu hanesan la fo ondra ba veteranus ida nee.

Hau lamenta Prezidente, sentidu ita nia votus de pezar neebe maka ita atu fo ondra nee iha neebe,” dehan deputadu Aniceto, iha sesaun plenaria, Segunda (20/06/2016).

Iha fatin hanesan membru PN husi bankada CNRT Cesar Valente hatete nia lahatene Governu nia atendimentu ba Veteranus sira nee oinsa, veteranus sira sala saida, karik sira sala maka halo funu too rai nee hetan independensia, maka sira hetan tratamentu ida hanesan nee.

Entertantu Xefi bankada Frente Mudansa Jose Luis Guterres hateten, diak liu bolu Ministeiru Solidaridade Sosial (MSS), atu mai fo esplikasaun saida los maka Ministeiru halo relasaun ho veteranus sira nia situasaun. Informasaun kompletu iha STL Jornal no STL Web, edisaun Tersa (21/6/2016). Carmen Ximenes

LEAVE A REPLY

Please enter your comment!
Please enter your name here