DILI-Reprezentante povu iha uma fukun Parlamentu Nasional (PN) liu-liu bankada opozisaun FRETILIN, husu ba governu atu hola medidas ida konkreta hodi bele kontrola importasaun aimoruk Droga, nebe’e mak tama illegal iha rai laran.
Preokupasaun ne’e hato’o husi deputadu Estanislao da Silva katak konaba droga ne’e preokupasaun bo’ot ida iha rai laran, iha ema balun mak komesa ona consume droga, tamba ne’e governu tenki hola medida ba problema ne’e.
Iha ema balun hatama Droga, no ema balun komesa utuliza ona, ne’e duni governu tenki hola medidas atu hare oinsa hodi kontrola ou hare importasaun Droga nebe’e tama ilegalmente iha ita nia rai, e ita nia lei kodiku penal mos iha ona para hodi kontrola Droga sira ne’e. Agora bainhira governu atu servisu hamutuk ho Malaysia, ne’e buat ida ke diak, tanba Malaysia iha esperiensia barak, dehan Deputadu bankada FRETILIN Estanislau ba STL iha uma fukun PN Segunda (5/8).
Prezidente Komisaun G nebe’e mak trata Asuntu Etika iha PN, Deputadu Mateus de Jesus hateten, Timor mos servisu professional, bele detekta aimoruk sira ne’e bele lori tama, tanba hare realildade nebe’e mak iha, kuandu ema halo’ot iha fatin nebe’e seguru teb-tebes. Informasaun kompletu iha STL Jornal no STL Web, edisaun Tersa (6/8). Jasinta Sequeira