DILI–Relasiona ho projeitu Emergensia ne’ebe sempre akontese iha rai laran halo membru Parlamentu Nasional (PN) hirus, hodi husu ba Primeiru Ministru (PM), Xanana Gusmao, atu tau atensaun tanba maioria projeitu emergensia laiha kualidade ne’ebe diak.
Kestaun ne’e hato’o hosi membru deputadu, Agustino Lay, iha uma fukun Parlamentu Nasional (PN) Sesta (10/01), wainhira debate Orsamentu Jeral Estadu tinan 2014 ne’ebe maka lidera hosi Primeiru Ministru, Xanana Gusmao.
Kuandu halo projeitu ruma labele emergensia hela deit ho ida naran emergensia ne’e mak ita hare maioria projeitu laiha kualidade tanba dehan emergensia ida ne’e tenke muda atu nune’e labele gasta estraga osan tinan-tinan, dehan Agustino.
Nune’e mos ho deputadu, Eladio Faculto, hatete realidade projeitu barak mak laiha kualidade hanesan Estrada iha sidade Dili laran, maske foin halo maibe tempo udan komesa at fali ona. Informasaun kompletu iha STL Jornal no STL Web, edisaun Segunda (13/1/2014). Thomas Sanches
